Туркия президенти ва унинг рафиқаси мамлакатда ишлаб чиқарилган Тоgg Т10Х электромобилининг дастлабки иккитасига эгалик қилди. Бу ҳақда TRT Heber хабар берди.

Электромобилнинг навбатдаги эгаси Озарбайжон президенти Илҳом Алиев бўлади.

«Яна Ўзбекистонга, Шавкат Мирзиёевга ҳам бориши керак, у бўйича ҳам керакли ишларни олиб боряпмиз. Учрашув вақти кутиляпти», — дейди Ражаб Тоййиб Эрдўғон.

Анқарадаги Президент мажмуида автомобил калитларини тантанали топшириш маросими бўлиб ўтди. «Бугундан бошлаб биз Togg’ни йўлларда кўрамиз», — деди Туркия президенти.

Маълумот учун, ушбу электрокар нархи Туркияда 50 минг доллардан 64 минг долларгача бўлиши айтилмоқда.