Фарғона вилояти Учкўприк туманидаги АГТКШ хавфсизлик чоралари кўрилмагани учун газ тармоғидан узилди. Бу ҳақда «Ўзэнергоинспекция» хабар берди.

Маълум бўлишича, «Ф.М.С.» МЧЖга қарашли АГТКШда технология жараёнларининг ва асбоб-ускуналарининг амалдаги меъёр ва қоидаларга мувофиқлиги, табиий газни қабул қилиб олиш, сақлаш, тарқатилиши ҳолатлари юзасидан ўрганиш ўтказилган.

Хусусан, ўрганиш жараёнида автомобилларга газ тўлдириш компрессор шохобчаси фаолиятида аҳоли ҳаёти ва соғлиғига хавф туғилиши билан боғлиқ бўлган қўпол қоидабузарликлар аниқланди.

Ушбу ҳолат юзасидан мутасаддиларга камчиликларни бартараф этиш бўйича кўрсатмалар берилди ҳамда мазкур АГТКШлар юқоридаги камчиликлар бартараф этилгунга қадар (10 кун муддатгача) табиий газ таъминотидан ажратилди.