Анталиянинг тарихий шаҳарчаси Финике табиий гўзаллиги, ўзига хос ошхонаси ва осойишта ҳаёт суръати билан Халқаро Cittaslow уюшмасига киритилди. Қўмита 2023 йил 14-15 апрель кунлари Полшанинг Ресзел шаҳрида йиғилди. Халқаро уюшма орқали ўтказилган тадқиқотларга кўра, шаҳар Туркиядаги 22 сокин шаҳар сифатида қайд этилган.

Анталиянинг севимли шаҳарларидан бири бўлган Финике уч йилдан ортиқ вақт давомида олиб борилган ҳаракатлар ва текширувлардан сўнг, атроф-муҳит, инфратузилма, шаҳарчадаги ҳаёт сифати, ижтимоий уйғунлик, меҳмондўстлик ва бошқа мезонларга жавоб бергани учун Cittaslow яъни «сокин шаҳар» унвонига лойиқ деб топилди.

Финике — антик даврнинг машхур шаҳри ҳақида

Финике кичик шаҳарча бўлишига қарамай, тарихи, табиий гўзаллиги ва гастрономик маданияти туфайли Ўрта ер денгизида машҳур сайёҳлик маскани ҳисобланади. Антик даврда бу туман Финик (Финикос) номи билан танилган ва милоддан аввалги 500 йилларда Финикияликлар томонидан асос солинганлиги айтилади. Финике йиллар давомида қишлоқ хўжалиги маҳсулотларини экспорт қиладиган порт бўлган. Тарихан кўплаб цивилизацияларга эга бўлган бу ҳудудда тарихий бинолар ва эски шаҳарларни топиш мумкин.

Финике ўзининг табиий гўзаллиги, кўрфазлари ва соҳиллари билан ҳам бошқалардан ажралиб туради. Бу кичик шаҳарда маҳаллий рецептлар билан тайёрланган Ўрта ер денгизи балиқларининг ноёб таъмлари мавжуд. Шунингдек, шаҳарда етиштириладиган апельсин ҳам ўзининг хушбўйлиги, ширин таъми ва серсувлиги билан бутун дунёга машҳур.

Cittaslow нима?

Cittaslow итальянча «citta» ва инглизча «сокин» сўзларининг бирикмаси «сокин шаҳар» деган маънони англатади. Cittaslow ҳаракати илк бор 1999 йилда Италияда бошланган. Секинроқ суръатда яшашга ундайдиган ва ҳаёт сифатини оширадиган ушбу ҳаракат шаҳарнинг асл тузилиши, меъморчилиги, анъана ва урф-одатлари, маҳаллий таомлари ва тарихий ўзига хослиги сақланиб қолса, бунга эришилади, деб ҳисобланади.

Ривожланишнинг янги модели учун кампания олиб борган Cittaslow ҳаракати тезда бутун дунё бўйлаб кенгайди ва мунисипалитетлар қўшилиши мумкин бўлган халқаро ташкилотга айланди. Cittaslow Ассоциацияси аъзолари атроф-муҳит, инфратузилма ва Clow Food мавзулари учун 72 мезонга жавоб беришлари ва сокин шаҳар фалсафасига риоя қилишлари керак.

Cittaslow Туркия рўйхати 2009 йилда Измирнинг Сефериҳисар тумани уюшмага киритилиши ортидан  шакллана бошлаган. Ҳозирда Финике, Аҳлат, Акяка, Арапгир, Эғирдир, Фоча, Гўкчеада, Герзе, Гўйнук, Гудул, Ҳалфети, Изник, Кемалие, Кўйжеғиз, Мудурну, Першембе, Шавшат, Сефериҳисар, Узундере, Визе, Ялвач ва Енипазар Туркиянинг сокин шаҳарлари қаторидан ўрин олган.