Катта миқёсдаги фирибгарликда айбланиб, Интерпол орқали халқаро қидирувга берилган шахслар Бирлашган Араб Амирликларидан Ўзбекистонга олиб келинди. Бу ҳақда Интерполнинг Ўзбекистондаги Миллий марказий бюроси хабар берди.

Маълум қилинишича, қидирувдаги шахслар БАА ҳудудида Интерполнинг Тошкент ва Абу-Дабидаги миллий марказий бюроларининг ходимлари томонидан ўтказилган тадбирларда қўлга олинган. Қидирувдагилар Тошкентга етказиш учун ҳуқуқ-тартибот идоралари ходимларига топширилган.

Аввалроқ ноқонуний миграция, фирибгарлик каби жиноятларни содир этишда гумонланган шахс Никарагуадан Ўзбекистонга экстрадиция қилинганди. Уни қўлга олиш АҚШ, Россия, Мексика, Туркия ва Панама давлатларининг ҳуқуқ-тартибот органлари кўмагида амалга оширилган.