Расмий ташриф билан Ўзбекистонда бўлиб турган Италия президенти Сержо Маттарелла ва қизи Лаура Маттарелла бугун, 11 ноябр куни Хоразмга борди. Бу ҳақда УзА хабар берди.

Урганч халқаро аэропортида Маттареллани Олий Мажлиси Сенати Раиси Танзила Норбоева, Хоразм вилояти ҳокими Жўрабек Раҳимов ҳамда Ташқи ишлар вазири ўринбосари Ғайрат Фозилов кутиб олган.

Италия президенти Хивадаги «Ичан қалъа» давлат музей-қўриқхонасининг тарихий-маданий ёдгорликлари билан танишиши кўзда тутилган.

Эслатиб ўтамиз, кеча, 10 ноябр куни Сержо Маттарелла қизи билан бирга «Янги Ўзбекистон» боғида Мустақиллик монументи пойига гул қўйганди. Шунингдек, Италия президенти Кўксаройда Шавкат Мирзиёев билан бирга дарахт экди. Кечанинг ўзида Сержо ва Лаура Маттареллалар Самарқандга жўнаб кетганди.