Экология, атроф-муҳитни муҳофаза қилиш ва иқлим ўзгариши вазирлиги тасарруфидаги «Қизилқум» давлат қўриқхонаси ҳудуди муздан тозаланмоқда. Мақсад қўриқхонада яшайдиган ёввойи ҳайвонларнинг сув ичишлари учун қулайлик яратишдир.

Таъкидлаш жоизки, «Қизилқум» қўриқхонаси ҳудудида кескин континентал иқлим ҳукмронлик қилади. Ҳаво ҳарорати кузда кескин пасаяди ва қиш барқарор уч ой давом этади.

• Маълумот учун, қўриқхона ҳудудида 36 тур сут эмизувчи, 266 тур қушлар, 29 тур судралиб юрувчилар, 25 тур балиқлар синфига мансуб жонзотлар учрайди. 45 тур ҳайвон Ўзбекистон «Қизил китоби»га киритилган. Бухоро буғуси, жайрон, қорақулоқ ва узун нинали типратикан каби 20 тур ноёб ҳайвонлар эса ТМХИ «Қизил рўйхати»дан ҳам жой олган.