АҚШнинг «Интер Маями» жамоаси ҳужумчиси Лионел Месси France Football журналига кўра, саккизинчи маротаба «Олтин тўп»ни қўлга киритган.

Овоз бериш натижаларига кўра, Месси «Олтин тўп» учун асосий даъвогарлар франциялик Килиан Мбаппе ва норвегиялик Эрлинг Холандни ортда қолдирган.

Маълумот учун, Лионел Месси шу йилнинг август ойидан бери АҚШнинг «Интер Маями» клубида фаолият юритмоқда. Ўтган мавсумда «ПСЖ» таркибида Франция чемпиони бўлган. Месси Аргентина терма жамоаси таркибида 2022 йилда Қатарда бўлиб ўтган жаҳон чемпионатида жаҳон чемпиони бўлган ва турнирнинг энг қиммат футболчиси сифатида эътироф этилган. Унинг «Олтин тўп»ни олишига ҳам футбол бўйича Аргентина терма жамоаси таркибида жаҳон чемпиони бўлгани сабаб бўлди.

Саудия Арабистонининг «Ал-Наср» клуби ҳужумчиси Криштиану Роналду эса бу совринни беш марта қўлга киритган.

Эслатиб ўтамиз, аввалроқ Лионел Месси «ПСЖ»ни тарк этганлиги ҳақда хабар берилганди. Шунингдек, футболчи Хитойга визасиз ташриф буюргани учун полиция томонидан ҳибсга олинганди.