Лотин ёзувига асосланган ўзбек алифбосини ислоҳ қилиш бўйича алифбодаги 4 та ҳарфнинг ўзгарган шакли лойиҳаси эълон қилинди. Бу ҳақда УзА хабар берди.

Маълум қилинишича, айни пайтда Алишер Навоий номидаги Тошкент давлат ўзбек тили ва адабиёти университетида «Лотин ёзувига асосланган ўзбек алифбосини такомиллаштириш масалаларига бағишланган республика илмий-назарий конференция»си бўлиб ўтмоқда.

Конференцияда таклиф сифатида ишчи гуруҳ томонидан 28 та ҳарф, 1 та ҳарфлар бирикмаси ва тутуқ белгисидан таркиб топган такомиллаштирилган алифбо лойиҳаси эълон қилинган.

Бунда қуйидаги тўртта ҳарфнинг шаклини ўзгартириш таклиф этилмоқда:

• O’ => Õ õ
• G’ => Ğ ğ
• Ch => С с
• Sh => Ş ş

Эслатиб ўтамиз, 2023 йилнинг 5 июл куни Шавкат Мирзиёев тошкентлик сайловчилар билан сайловолди учрашувида «зиёлиларимиз, кенг жамоатчилигимиз билан бамаслаҳат, лотин ёзувига асосланган алифбомизни такомиллаштириш бўйича ишларни якунига етказишимиз зарур», – дея таъкидлаган эди.