«Маҳалла еттилиги»га ҳудудида аслида кўрсатилмаган хизмат бўйича нореал қарзни ҳисобга олмаслик ваколати берилади. Бу ҳақда Президент матбуот хизмати хабар берди.

Бу орқали хизмат кўрсатилмаган ҳудуд учун ҳам дебитор қарздорлик ёзиб қўйишдек адолатсиз амалиётга чек қўйилади.

Аввалроқ Президент Шавкат Мирзиёев раислигида «Яшил макон» лойиҳаси доирасида баҳорги экиш мавсумини ташкил қилиш ва чиқиндиларни бошқаришни такомиллаштириш юзасидан видеоселектор йиғилиши бошланиши ҳақида хабар берилган эди.

Йиғилишда Шавкат Мирзиёев бешта туман ҳокимларига «ҳайфсан» берди, ўринбосарларини ишдан олди. Барча экология бошқармалари бошлиқларига синов муддати тайинланди.