Президент Амударё устидан қурилган янги кўприкни очиб бергани ҳақида маълум қилинган эди. Кўприкнинг узунлиги 423 метр. У билан бирга Шовот—Қораўзак бекатларини боғлайдиган 85 километрлик темирйўл ҳамда 3 та вокзал ҳам қурилди.

Президент Шавкат Мирзиёев ушбу янги кўприк очилишидан сўнг Қорақалпоғистон ва Хоразм фаоллари билан самимий мулоқот қилди.

Маълумот учун, 2024 йил Бухоро – Урганч – Хива, келгуси йилдан Мискин – Нукус темир йўли электрлаштирилади. Натижада Хива ҳамда Нукус шаҳарларига тезюрар поездлар қатнови йўлга қўйилади. Ушбу ҳудудлардаги аҳолининг мамлакатимизнинг бошқа шаҳарларига бориб-келиши осонлашади. Бу лойиҳалар ҳисобидан транспорт харажатлари 2 баробар қисқариб, йўловчи ташиш 30 фоизга ошади.