12:02 | 08.11.23
Москва – Тошкент йўналишида учиши керак бўлган самолёт парвози кечиктирилди
Рейснинг кечикишига нима сабаб бўлгани очиқланди.
Москва – Тошкент йўналиши бўйича 7 ноябр куни амалга оширилиши керак бўлган HY602 рейси техник сабабларга кўра жўнаб кетиш аэропортида (Домодедово) кечиктирилган. Бу ҳақда Uzbekistan Airports ахборот хизмати хабар берди.
Хабарга кўра, авиакомпаниянинг техник мутахассислари ҳаво кемасини парвозга тайёрлаш бўйича иш олиб бормоқда. Ушбу рейс йўловчиларининг бир қисми меҳмонхонага жойлаштирилган.
Шунингдек, йўловчиларга компенсация хизматлари ҳам тақдим этилган.
«Парвоз вақти ҳақида батафсил маълумот қўшимча равишда хабар қилинади. Бизнинг янгиликларимизни кузатиб боринг. Ноқулайликлар учун узр сўраймиз!», – дейилган хабарда.
Аввалроқ, Тошкентда самолётларни суратга олган болалар ҳибсга олингани ҳақида маълумот берилганди.
Мавзуга доир хабарлар билан танишинг:
