Bugun.uz маълумотларига кўра, 23 декабр куни кечқурун 25 ёшли Влада Москва марказида 37 ёшли тошкентлик Алексей Варакин билан бир хонадонда бўлган. Улар ўртасида жанжал келиб чиқиб, бир-бирига бир неча марта пичоқ уришган.

Пичоқбозликдан сўнг қиз ҳаммомга қамалиб олиб, видеоқўнғироқ орқали бўлган воқеани дугонасига айтиб беришга улгурган. Дугонаси эса зудлик билан полицияга хабар берган. Полициячилар Мукомолний хиёбонидаги квартирага етиб боргач, қизни бўйнидан пичоқланган ҳолда, Алексейни эса яраланган ҳолда топишган. Унинг ўзи қизни ўлдирганини тан олган.

Эркак айни пайтга келиб ҳибсга олинган. Уларнинг ўртасида айнан нима содир бўлгани ҳозирча ўрганилмоқда.

Шунингдек, Bugun.uz манбаси Москванинг шарқий қисмидаги меҳмонхоналардан бирида ҳам ўлимида Алексей Варакин гумон қилинаётган яна бир қизнинг жасади топилганини аниқлади. Варакин бир неча йил психиатрия шифохонасида даволангани ҳақида маълумот мавжуд.