Uzbekistan Airways авиакомпаниясининг Москва-Тошкент рейсини амалга оширган самолёт Урганч аэропортида фавқулодда қўнишни амалга оширди. Бу хақда Uzbekistan Airports хабар берди.

Хабарда айтилишича, бортида 236 нафар йўловчи бўлган Bоeing-787 самолёти экипажи йўловчилардан бирининг соғлиғи ёмонлашгани сабабли захира аэродромга қўнишга қарор қилган.

Тошкент вақти билан 16:59 да самолёт Урганч аэропортига қўнган. Бироқ, 1978 йилда туғилган, соғлиғи ёмонлашган йўловчи эркак самолёт бортида вафот этган.

Соат 18:48 да самолёт Урганчдан Тошкентга парвозини амалга оширган.