11:46 | 21.09.23 2157
Наманганда содир бўлган ЙТҲда 5 киши ҳалок бўлди — видео
Воқеа юк автомобили ҳайдовчиси бошқарувни йўқотгани сабаб содир бўлган.
Кеча, 20 сентябр куни Наманган вилоятида содир бўлган ЙТҲда 5 киши ҳалок бўлди. Бу ҳақда вилоят Ички ишлар бошқармасига таяниб UzNews хабар берди.
Маълум қилинишича, ҳодиса тахминан соат 07:30да Чуст туманида содир бўлган. Туманнинг «Наманган-Тошкент» автомобил йўналишида ҳаракатланаётган Volwo DAF русумли юк машинаси ҳайдовчиси бошқарувни йўқотиб, қарама-қарши йўналишга чиқиб кетган. Оқибатда Damas ва Labo русумли автомобиллар билан тўқнашув содир бўлган. ЙТҲ оқибатида 5 киши ҳалок бўлгани айтилмоқда.
Ҳолат юзасидан дастлабки тергов суриштирув ишлари олиб борилаётгани маълум қилинди.
