Қозоғистондаги Олмаота-Тошкент-Термиз автомобиль йўлининг айрим қисмларига ҳаракатланиш учун чекловлар киритилди. Бу ҳақда «Казинформ»га таяниб, «Дунё» хабар берди.

Қайд этилишича, ноқулай об-ҳаво сабаб Қозоғистоннинг қуйидаги олти вилоятида автомобиллар ҳаракати чекланган:

• Абай вилояти — умумий узунлиги 177 километр бўлган Омск-Майкапшагай» автомобиль йўли, Калбатау- Бугаз қишлоқлари;
• Жамбил вилояти — умумий узунлиги 79 километр бўлган «Олмаота-Тошкент-Термиз» автомобиль йўли, Кенен-Қайнар қишлоқлари. Ҳаракат эски Кордай довони орқали амалга оширилади;
• Жетису вилояти — умумий узунлиги 100 километр бўлган « «Ушарал-Достик» автомобиль йўли. Кўктума станциясидан — Дўстлик станциясигача;
• Кустанай вилояти — Улитау вилоятида об-ҳаво шароитининг ёмонлашиши муносабати билан умумий узунлиги 83 километр бўлган «Жезказган-Петропавловск» автомобиль йўли. Улитау вилояти чегарасидаги Аркалиқ шаҳригача;
• Туркистон вилояти – умумий узунлиги 106 километр бўлган «Жиззах-Гагарин-Жетисай-Сариагаш-Жибекжоли» автомобиль йўли – Қизиласкер – Черняевка қишлоқлари. Фақат юк ташиш транспортлари учун;
• Улитау вилояти – умумий узунлиги 115 километр бўлган «Жезказган-Петропавловск» автомобиль йўли. Улитау қишлоғидан Кустанай вилояти чегарасигача.

Аввалроқ Москва–Самарқанд йўналишида учаётган самолёт ноқулай об-ҳаво сабабли Тошкентдаги муқобил аэродромга жўнаб кетишга мажбур бўлганди. Шунингдек, республика ҳудудларида ҳаво ҳароратининг пасайиши натижасида магистраль газ қувурларида босимнинг камайиши ҳолатлари кузатилганди.