Хориждаги оммавий ахборот воситаларининг ёзишича, Озарбайжонда полиция ходимлари диний радикализм тарғиботи ва қўпорувчилик фаолияти билан шуғулланган гуруҳ аъзоларини қўлга олган.

Айтилишича, ушбу гуруҳдан тўққиз киши гиёҳванд моддаларини сотиш учун кўпчиликни ҳамкорликка даъват қилган ва мамлакатда «Кериме» давлатини яратишга уринишган.

Хабарда айтилишича, ҳибсга олинганлар Эроннинг радикал диний-сиёсий марказлари топшириқларини бажарган. Ижтимоий тармоқ аккаунтларида фош қилинган тармоқ иштирокчиларининг ўзаро алоқалари ва уларнинг радикал ҳаракатлари ҳақида кўплаб фото далиллар ҳам тўпланган.

Эслатиб ўтамиз, аввалроқ Озарбайжон Мудофаа вазирлиги «Уч томонлама декларация қоидаларини таъминлаш мақсадида», «Озарбайжон Республикасининг конституциявий тузумини тиклаш бўйича Қорабоғда маҳаллий антитеррор тадбирлари бошланганини» эълон қилгани ҳақда хабар берилганди.