Январь ойида 46 та давлатга 250 миллион долларлик тўқимачилик маҳсулотлари экспорт қилинди. Бу ҳақда Статистика агентлиги ахборот хизмати хабар берди.

Маълумотларга кўра, Ўзбекистон 2024 йилнинг январь ойида қиймати 250,2 миллион млн АҚШ долларилик тўқимачилик маҳсулотларини экспорт қилган. Бу кўрсаткич умумий экспортнинг 22,4 фоизини ташкил этиб, ўтган йилга нисбатан 14,4 фоизга ошган. 

Экспорт қилинган тўқимачилик маҳсулотлари таркибида тайёр тўқимачилик маҳсулотлари (37,4 %), калава-ип (48,5 %) асосий улушни эгаллаган. 

2024 йилнинг январь ойида 438 турдаги тўқимачилик маҳсулотлари дунёнинг 47 та давлатига экспорт қилинган. Тўқимачилик маҳсулотлари таркибида: 

• Калава-ип – 121,4 миллион;
• Тайёр тўқимачилик маҳсулотлари – 93,6 миллион;
• Трикотаж мато – 18 миллион;
• Газламалар – 13,7 миллион;
• Пайпоқ маҳсулотлари – 3,5 миллион.