Статистика агентлиги Ўзбекистон 2 ойда қанча электромобиль импорт қилгани тўғрисидаги кўрсаткичларни эълон қилди.

Маълумотларга кўра, 2024 йилнинг январь-февраль ойларида хориждан қиймати 85,7 млн долларга 3502 та электромобил импорт қилган.

Электромобиллар импорти ўтган йилнинг мос даври билан солиштирилганда 2663 тага ёки 4 баробарга ошган. Ўзбекистон 2 ойда 7 та хорижий давлатдан электромобил импорт қилган. Энг кўп электромобил импорт қилган давлатлар:

• Хитой – 3 479 та;
• БАА – 8 та;
• Гонконг – 5 та.