Ўзбекистоннинг Россиядаги элчиси Ботиржон Асадов Москва музейларига «Ўзбекистон маданий мероси жаҳон тўпламларида» китоб-альбомларини совға қилди. Бу ҳақда Ўзбекистон элчихонаси матбуот хизматига таяниб, «TACC» хабар берди.

Маълум бўлишича, китоблар Бутунроссия декоратив-амалий ва халқ амалий санъати музейи ҳамда Халқ санъати давлат музейи раҳбариятига равишда тақдим этилган. «TACC»га кўра, 50 жилдлик «Ўзбекистон маданий мероси жаҳон тўпламларида» китоб-альбомлари нашр этилган. Шунингдек, элчи ушбу тадбир Ўзбекистон ва Россия ўртасидаги маданий алоқаларни чуқурлаштириш йўлидаги муҳим қадам бўлишига умид билдиргани айтилган.

«50 жилдлик китоб-альбомларнинг тақдимоти шунчаки хайрия акцияси эмас, балки Ўзбекистон ва Россия тарихи, анъаналари ва маданияти ўртасидаги кўприкдир», — дея қўшимча қилди матбуот хизмати.