ФВВ Сейсмопрогностик мониторинг Республика марказининг хабар қилишича, Ўзбекистонда зилзила қайд этилган. Айтилишича, зилзила бугун, 20 январ куни маҳаллий вақт билан соат 09:03 да (Гринвич бўйича 04:03 да) да рўй берган. Ер ости силкинишининг магнитудаси – 3,4 баллни ташкил этган. Чуқурлик 15 километр бўлиб, зилзила эпицентри Тошкентдан 209 километр жануби-ғарбда кузатилган.

Ер ости силкинишининг эпицентри Жиззах вилоятининг Фориш туманига тўғри келган.

Аввалроқ, Афғонистонда рўй берган 6 магнитудали зилзила Ўзбекистоннинг 9 та вилояти ва Тошкент шаҳрида сезилгани ҳақда хабар берилганди.