Давлат раҳбари ижтимоий ҳимояга муҳтож аҳолини ҳар томонлама қўллаб-қувватлаш, хизматлар кўрсатиш жараёнларини соддалаштириш ва тезлаштириш мақсадида қатор топшириқлар берди. Бу ҳақда Президент матбуот котиби хабар берди.

Ижтимоий ҳимояга муҳтож аҳолини ҳар томонлама қўллаб-қувватлаш, хизматлар кўрсатиш жараёнларини соддалаштириш ва тезлаштириш мақсадида:

• эҳтиёжманд тоифани белгилаш бўйича мезонлар ишлаб чиқилади ва айнан қандай ёрдамга муҳтожлик борлиги аниқ белгилаб берилади;
• ҳар бир муҳтож фуқаро бўйича индивидуал ижтимоий хизматлар дастури бўлади.

Шунингдек, маҳалладаги «еттилик» учун ижтимоий хизматлар бўйича ягона саволнома жорий қилинади. Маҳалладаги барча ижтимоий хизматларни босқичма-босқич ижтимоий хизмат кўрсатиш шартномаси орқали тақдим этиш йўлга қўйилади.