Камбағалликни қисқартириш ва бандлик вазирлиги томонидан мамлакатда хотин-қизларни иш билан таъминлаётган топ-10 корхоналар рўйхати эълон қилинди.

Маълум қилинишича, хотин-қизларни ишли қилиш ва турмушини яхшилаш давлат сиёсати даражасига кўтарилган. Иш берувчилар ҳам бунга алоҳида эътибор қаратмоқда.

Хотин-қизларни иш билан таъминлаётган топ-10 корхона рўйхати:

1. «Навоий кон металлургия комбинати» АЖ — 12 444 нафар
2. «УзТех Гроуп» МЧЖ — 11 511 нафар
3. «Олмалиқ кон-металлургия комбинати» АЖ — 8234 нафар
4. «Ўзбекистон почтаси» АЖ — 5217 нафар
5. «Темирйўлинфратузилма» АЖ — 4 730 нафар
6. «Англесей Фоод» МЧЖ — 4640 нафар
7. «Ўзбектелеком» АЖ — 4424 нафар
8. «Зарафшон Текстиль» МЧЖ — 3882 нафар
9. «Навоийазот» АЖ — 3422 нафар
10.  «Ургут Силк Фибер Cомпанй» МЧЖ — 3337

«Ушбу корхоналар хусусий секторга тааллуқли бўлиб, иш ўринларини яратиш бўйича ҳам илғорлардан саналади. Шу боис уларга алоҳида миннатдорлик билдирамиз», — дейилади хабарда.