Статистика агентлиги ахборот хизмати мобил алоқа фойдаланувчилари сони 34,2 миллионга етганини маълум қилди.

Қайд этилишича, 2024 йилнинг 1 январь ҳолатига кўра, Ўзбекистонда мобил алоқа билан таъминланган абонентлар сони қарийб 34,2 миллион нафарни ташкил этган. Шундан, 28,8 миллион нафари аҳолида қайд этилган.

Аҳолининг мобил алоқа билан таъминланганлиги ҳар 100 киши ҳисобига 79 бирликни ташкил этди. Қуйида йиллар кесимида ҳар 100 доимий аҳолига тўғри келадиган абонентлар сони келтирилган(1 январь ҳолатига):

• 2020 йил – 69 та;
• 2021 йил – 71 та;
• 2022 йил – 73 та;
• 2023 йил – 76 та;
• 2024 йил – 79 та.