13:22 | 22.04.24
Ўзбекистонда «Rinotin kids» биологик фаол қўшимчаси сотилиши тақиқланди
Ўзбекистонда «Rinotin kids» биологик фаол қўшимчаси сотилиши тақиқланди. Барча дорихоналарга ушбу сиропни қайтариб олиш топширилди.
Санэпидқўмита томонидан «Rinotin kids» биологик фаол қўшимчасини Ўзбекистон ҳудудида сотиш учун берилган рухсатнома бекор қилинди.
Маълум қилинишича, бундай қарор аҳоли орасида овқатдан заҳарланиш ҳолатлари келиб чиқишининг олдини олиш мақсадида қабул қилинган. Аммо, Санэпидқўмита қандай асосга кўра рухсатномани бекор қилганига ойдинлик киритилмаган.
Шу билан биргаликда «Gricar Chemical S.R.L» МЧЖ га республика ҳудудларидаги барча савдо тармоқлари ҳамда дорихоналардаги «Rad Gida Laboratuvarive Ilac Sanayi Ticaret Limited» компанияси томонидан ишлаб чиқарилган «Rinotin kids» сироп маҳсулотларини қайтариб олиш топшириғи берилиб, ижроси назорат остига олинди. Бугунги кун ҳолатига корхона томонидан 28 та дорихоналардан маҳсулотлар қайтариб олинди. Мазкур ҳолат юзасидан профилактик тадбирлар давом эттирилмоқда.
Мавзуга доир хабарлар билан танишинг:
