Президент қарорига кўра, 1 майдан бошлаб маъмурий ҳуқуқбузарликлар бўйича қўлланилган жаримани ихтиёрий тўлаш тизими янада соддалаштирилади. Энди барча жарималар вақтлироқ тўланса, чегирма берилади. Қарорга кўра:

• ҳуқуқбузар унга жарима солиш тўғрисидаги қарор топширилган кундан бошлаб 15 кун ичида жарима миқдорининг 50 фоизини, 30 кун ичида 70 фоизини ихтиёрий равишда тўлаган тақдирда, у жариманинг қолган қисмини тўлашдан озод қилинади;
• мазкур тартиб суд қарорларига асосан қўлланиладиган жарималарга нисбатан ҳам татбиқ этилади.

Маълумот ўрнида, 2020 йилдан бошлаб жарималарни ўз вақтида тўлаганларга 30 фоизлик чегирма тақдим этилмоқда.