18:24 | 26.03.24
Ўзбекистондаги мактаб ва коллеж/лицейларда қанча ўқитувчи ишлаши маълум бўлди
Статистика агентлиги 2023/2024 ўқув йилига кўра, мактаб ва коллеж/лицейларда қанча ўқитувчи ишлашини эълон қилди. Кўрсаткич 2019/202 йилгига нисбатан 61 минг кишига ошган.
Умумий ўрта таълим ташкилотларида фаолият юритаётган ўқитувчилар сони маълум қилинди.
Статистика агентлиги маълумотларига кўра, 2023/2024-ўқув йили бошида мамлакатимиздаги умумий ўрта таълим ташкилотларида таълим бераётган ўқитувчилар (ўриндошларсиз) сони 547,7 минг нафарни ташкил этган.
Бу кўрсаткич 2019/2020-ўқув йили бошига нисбатан солиштирилганда 61,1 минг нафарга ошган.
Йиллар кесимида умумий ўрта таълим ташкилотларида таълим бераётган ўқитувчилар (ўриндошларсиз) сони:
- 2019/2020-ўқув йили бошига 486,6 минг нафар;
- 2020/2021-ўқув йили бошига 508,2 минг нафар;
- 2021/2022-ўқув йили бошига 510,0 минг нафар;
- 2022/2023-ўқув йили бошига 521,6 минг нафар;
- 2023/2024-ўқув йили бошига 547,7 минг нафар.
Мавзуга доир хабарлар билан танишинг:
