Uzbekistan Airways авиакомпанияси Ўзбекистон Мусулмонлари идораси билан биргаликда «Ҳаж-2024» дастури доирасида Саудия Арабистонига чартер йўловчи авиақатновларини амалга оширишни бошлайди. Бу ҳақда Uzbekistan Airways матбуот хизмати хабар берди.

Маълум қилинишича, 23 майдан 7 июнга қадар «Ҳаж» дастури бўйича маросимларни бажариш истагида бўлган зиёратчилар Ўзбекистоннинг 10 та минтақавий халқаро аэропортларидан, хусусан:

• Тошкент;
• Наманган;
• Фарғона;
• Бухоро;
• Самарқанд;
• Қарши;
• Термиз;
• Навоий;
• Нукус;
• Урганч шаҳарларидан Мадина шаҳрига етказилади.

Авиакомпания ва Ўзбекистон Мусулмонлари идораси ўртасида тузилган шартномага мувофиқ, жорий йилда 124 та чартер йўловчи парвозларини амалга ошириш ва 15 130 нафар зиёратчини ташиш режалаштирилган.