Рус тилини яхши биладиган ўзбекистонлик ҳайдовчиларга Словакияда иш бор. Бу ҳақда Камбағалликни қисқартириш ва бандлик вазирлиги маълум қилди.

Иш Словакия корхонаси томонидан, омборхонада ҳайдовчи (вилочний погрузчик) йўналишида таклиф этилмоқда.

Номзодлар 20-45 ёш атрофида бўлиши, «Б» тоифадаги ҳайдовчилик гувоҳномаси ҳамда автокара ҳайдовчиси гувоҳномасига эга бўлиши лозим. Соҳада 6 ойлик тажриба ҳам талаб этилади.

Ойлик иш ҳақи қўлга тегадигани 1080 евро, иш ҳажмига қараб турли бонуслар ҳам берилади. Ҳафтада 5 кун иш, (3 та смена). Ходим тиббий суғурта қилинади.

Ишчи виза ҳамда Словакияга бориш харажатлари номзод томонидан қопланади.