Ўзбекистонлик ҳайдовчилар Венгрияга ишга юборилиши мумкин. Бу ҳақда Ташқи меҳнат миграцияси агентлиги хабар берди.

Маълум қилинишича, 20 май куни Камбағалликни қисқартириш ва бандлик вазирлиги ҳузуридаги Ташқи меҳнат миграцияси агентлиги раҳбарияти ҳамда Венгриянинг Bi-Ka Ltd. Logistics компанияси вакиллари ўртасида ҳамкорлик учрашуви бўлиб ўтди.

Унда ўзбекистонлик юк автомобили ҳайдовчиларини мазкур давлатга ишга жалб қилиш масалалари муҳокама этилди.