Космик тадқиқотлар ва технологиялар агентлиги матбуот хизмати ўзбекистонлик қиз аэрокосмик йўналишда АҚШнинг нуфузли университетида таҳсил олаётганини маълум қилди.

Қайд қилинишича, Диёра Даминова – жаҳоннинг Топ-8 талигида турувчи АҚШнинг Kolorado-Boulde университети аэрокосмик муҳандислик факультетининг иккинчи курс талабаси. “Университет“ NASA билан илмий ҳамкорликда иш олиб бориши бўйича биринчи ўринда туради.

У ушбу йўналишда АҚШнинг нуфузли университетида ўқиётган ўзбекистонлик қиз ҳисобланади. Шунингдек, у «Эл-юрт умиди» жамғармаси стипендияси ғолиби.

Диёра Даминова ўқишни тамомлаб Ўзбекистонга қайтиб келгандан сўнг «Ўзбеккосмос» агентлигида фаолият олиб бориш истагини билдирган.