Статистика агентлиги ахборот хизмати Ўзбекистоннинг Ўзбекистоннинг ялпи ички маҳсулот ҳажми бўйича маълумотларни эълон қилди.

Дастлабки маълумотларга кўра, 2023 йилда Ўзбекистонда ялпи ички маҳсулот (ЯИМ) ҳажми жорий нархларда 1 066,6 триллион сўмни ташкил этди. Бу ўртача алмашув курси бўйича 90,9 миллиард долларга тенг.

Ялпи ички маҳсулот ҳажми 2022 йил билан солиштирилганда 6 фоизга ўсган. Аҳоли жон бошига ЯИМ ҳажми 29,3 миллион сўмни ташкил этган.

Аввалроқ Ўзбекистон бўйича ялпи ички маҳсулотнинг шаклланишида энг катта улуш (17,1%) Тошкент шаҳрига тўғри келиши ҳақида хабар берилганди. Тошкент ва Навоий вилоятлари 10,1 % ва 7,7 % кўрсаткичлари билан кейинги ўринларни эгаллаб турибди.