«Ўзбекнефтгаз» Ўзбекистоннинг Устюрт, Бухоро-Хива, Фарғона, Ҳисор ва Марказий Қизилқум ҳудудларида нефть ва газнинг истиқболли конларини аниқлаш мақсадида геология-қидирув ишларини олиб бориш учун майдонлар ажратган, деб хабар бермоқда жамият матбуот хизмати.

Маълум қилинишича, компания углеводород хом-ашё базасини ривожлантириш ва қайта ҳосил қилиш бўйича йиллик дастур ишлаб чиқилган. Дастур асосида геология-қидирув ишлари олиб бормоқда, ҳозирда геология-қидирув ишлари якунланган конлар асосида уларнинг заҳираларини баҳолаш ишлари бошланган. Геология департамент томонидан 2020-2022 йиллар мобайнида якуний заҳираларни ҳисоблаш бўйича ишлаб чиқилган чора-тадбирлар асосида углеводород ва фойдали қазилмалар заҳиралари бўйича қуйидаги конлар Давлат заҳиралари комиссиясида тасдиқланган:

• 2020 йилда «Чаккақум-Шимолий Сузма», «Муродтепа-Атамурод» конлари;
• 2021 йилда «Дўлтатепа», «Марварид», «Жанубий Кулбешкак», «Учтепа» конлари;
• 2022 йилда «Тўмарис», «Арслон», «Шўртак» конлари.

«Ўзбекнефтгаз» 2023 йилда «Ёрмоқ», «Андакли», «Шорқум», «Ўртақум», «Ижобат», «Ўртабулоқ», «Чақар» ва «Тарнасой» каби конларнинг якуний заҳираларни ҳисоблаш белгилаб олинган.