Sputnik’нинг маълумот беришича, Қозоғистоннинг миллий статистика бюроси 2009 ва 2021 йиллардаги аҳолини рўйхатга олиш маълумотларини тақдим этган.

Унда қозоғистонликлар улуши 70,4 фоизга кўтарилган. Бу кўрсаткич 2009 йилда 63,1 фоизга тенг бўлган. Рус миллатига мансуб аҳоли улуши эса 15,5 фоизгача камайган. Яъни, 2009 йилда 10 миллион 96 минг 763 нафарни ташкил қилган қозоқ миллатига мансуб аҳоли вакиллари сони 2021 йилда 3 миллион 401 минг 128 нафарга кўпайган. Рус миллати вакиллари эса 811 минг 818 нафарга камайган.

Шунингдек, мамлакатда ўзбек миллатига мансублар ҳиссаси 2,9 фоиздан 3,2 фоизга, яъни 157 минг 50 нафарга ортган.

Бундан ташқари, Қозоғистон аҳолисининг кейинги улушлари уйғур, украин, татар миллатига мансубларга тўғри келган. 12 йил давомида уларнинг сони ҳам анча ортган.

Эслатиб ўтамиз, аввалроқ Ўзбекистонда аҳоли сони бир кунда қанчага кўпайиши айтилганди.