АҚШ Мудофаа вазирлиги ўтказган текширув натижаларига кўра, Украинага жўнатилган ҳарбий ёрдам 2 йил ичида 6,2 миллиард долларга қайта баҳолангани маълум бўлди. Хатолик 2022 йилда 2,6 миллиард долларни, 2023 йилда эса 3,6 миллиард долларни ташкил этганлиги аниқланди. Маълумот учун, Пентагон ушбу хатоликни май ойида топган.

Унинг таъкидлашича, хатоликка сабаб янги қурол-яроғларнинг нархидан фойдаланганлик бўлган. Бир мунча вақт олдин сотиб олинган ва Пентагонда сақланган захиралар эса Украинага берилган ва уларнинг қиймати амортизациянинг минимум ҳисобидан пастроқ.

Бу пуллар шунчаки жамғармага қайтди, — дейди Пентагон матбуот котиби ўринбосари Сабрина Сингх.

The New York Times газетасининг ёзишича, АҚШ Конгресси Пентагониннг бухгалтерия ҳисобидаги элементар ва шу билан бирга асосий хатони аниқлаши учун кўп ойлар керак бўлганидан ҳайратда қолди. Оқ уй шу тариқа Украинага ёрдамни оширишга ҳаракат қилмоқда деб тахмин ҳам қилинди. Баҳолашда аниқланган тафовут шуни англатадики, АҚШ ҳукумати Украинага қўшимча маблағ ажратиш учун парламент билан келишишмасдан Конгресс томонидан тасдиқланган молиялаштириш доирасида ўз захираларидан қўшимча ёрдам ажратиши мумкин.

Associated Press хабарига кўра, апрел ойи бошида АҚШ Украинага 35 миллиард доллардан ортиқ ҳарбий ёрдам берган. Шундан сўнг эса яна бир нечта ёрдам пакетлари тасдиқланган.