Тадқиқотчилар вейпинг деб аталувчи электрон никотинни етказиб бериш тизимлари (ЭСДН)дан фойдаланишнинг самарали ёндашувларини ўрганиш учун глобал саъй-ҳаракатларга эҳтиёж борлигини айтди.

Таъкидланишича ЭСДН сотишни тўлиқ тақиқлаш самарасиз бўлиши мумкин. Муқобил ёндашувлар бўйича кўпроқ тадқиқотлар ўтказиш керак. Ёшлар орасида вейпингнинг оммалашиб бораётгани ташвишли, шу билан бирга, соғлиққа таъсири ноаниқлигича қолмоқда.

Жаҳон соғлиқни сақлаш ташкилоти вояга етмаганларга вейп сотишни тақиқлаш ёки қатъий тартибга солишни тавсия қилади, аммо бундай чора-тадбирларнинг самарадорлиги тўғрисида далиллар деярли йўқ.

Баъзи мамлакатлар вейпларни сотишга рухсат берган, айримлари эса ундан фойдаланишни чеклаш каби қатъий чораларни қўллаган. Никотиннинг салбий оқибатлари ва унинг соғликка зарарлари туфайли вояга етмаганлар томонидан вейплардан фойдаланишни минималлаштириш долзарблигича қолмоқда.

Тадқиқотчилар турли хил тартибга солиш усулларининг самарадорлигини, шу жумладан вояга етмаганларнинг вейп истеъмоли тўғрисидаги маълумотларни тўплашни таққослаш учун қўшимча тадқиқотлар ўтказишга чақирмоқда.