«Ҳудудий электр тармоқлари» АЖ Тошкент шаҳар филиали пойтахт ҳудудларининг айрим жойларида бугун, 11 январ куни электр таъминоти вақтинча тўхтатилишини билдирди.

Истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларнинг олдини олиш ҳамда мавжуд электр қурилмаларида таъмирлаш ишларини олиб бориш мақсад қилинган.

Электр таъминоти вақтинча ўчириладиган ҳудудлар:

• Миробод тумани: «Заминобод» МФЙнинг айрим ҳудудларида соат 10:00 дан 17:00 гача;
• Учтепа тумани: «Катта Чўпон ота» ҳамда «Қўрғонтепа» МФЙларининг айрим ҳудудларида соат 10:00 дан 17:00 гача;
• Юнусобод тумани: «Мингўрик» МФЙнинг айрим ҳудудларида соат 10:00 дан 15:00 гача.

Ўз навбатида, юқоридаги ҳудудларда таъмирлаш ишлари белгиланган вақтдан аввалроқ якунланиши мумкинлигини билдирилган.

Шунингдек, Тошкент шаҳар ҳокимлиги Мирзо Улуғбек, Чилонзор, Сергели туманлари газ таъминоти тизимида таъмирлаш ва созлаш ишлари олиб борилиши муносабати билан туманларнинг баъзи маҳалла ва кўчаларида 11 январ куни газ таъминоти тўхтатилиши ҳақида хабар берди.

• Мирзо Улуғбек туманида 10:00 дан 18:00 гача: Ҳ. Абдуллаев МФЙ, улгуржи истеъмолчилар – 6 та;
• Чилонзор туманида 11:00 дан 15:00 гача: Арнасой кўчасида 1 та кўп қаватли уй, улгуржи истеъмолчилар – 3 та;
• Сергели туманида 10:00 дан 16:00 гача: Сўғдиёна кўчасида 80 та ерли хонадон, Файзли кўчасида 102 та ерли хонадон, улгуржи истеъмолчилар – 4 та.

«Ҳудудгаз Пойтахт» газ таъминоти филиали ноқулайликлар учун узр сўраган.