Шавкат Мирзиёев 17 август куни Президент администрацияси тузилмасини ўзгартириш тўғрисидаги фармонни имзолади, бироқ ҳужжат ҳали расман эълон қилинмаган. Имзоланган ҳужжат билан Президент администрацияси раҳбари лавозими тугатилиб, ушбу лавозимни эгаллаб турган Сардор Умурзоқов Шавкат Мирзиёевнинг махсус топшириқлар бўйича маслаҳатчиси лавозимига тайинланган.

Янги тузилмада маслаҳатчилар сони 9 тадан 11 тага кўпайган:

1. Махсус топшириқлар бўйича маслаҳатчи;
2. Иқтисодий ривожланиш масалалари бўйича маслаҳатчи;
3. Кадрлар сиёсати бўйича маслаҳатчи;
4. Дин ва миллатлараро муносабатлар бўйича маслаҳатчи;
5. Маслаҳатчиси-спичрайтер;
6. Ҳуқуқни муҳофаза қилувчи ва назорат органлари фаолиятини мувофиқлаштириш масалалари бўйича маслаҳатчиси;
7. Оролбўйи минтақасини барқарор ривожлантириш масалалари бўйича маслаҳатчиси;
8. Ижтимоий-сиёсий ривожланиш масалалари бўйича маслаҳатчиси;
9. Маслаҳатчи — Ижтимоий ҳимоя миллий агентлиги директори;
10. Энергетика хавфсизлиги масалалари бўйича маслаҳатчи;
11. Аграр ривожланиш масалалари бўйича маслаҳатчи.

Президентнинг ёшлар, фан, таълим, соғлиқни сақлаш, маданият ва спорт масалалари бўйича маслаҳатчиси (Одил Абдураҳмонов) лавозими тугатилди. Президентнинг яна бир ёрдамчиси лавозими жорий этилмоқда, унинг таркибига янги ташкил этилган Ахборот сиёсати департаменти, президент матбуот котиби, Ижтимоий ривожланиш департаменти, Ёшлар сиёсати департаменти ва Назорат инспекцияси киради.