Қирғизистонда болалари 22:00 дан 6:00 гача кўчада ёки бошқа жамоат жойларида юрган ваколатли орган ота-оналик ҳуқуқидан маҳрум қилиниши ёки чекланиши мумкин. Бу ҳақда «Кабар» хабар берди.

Жогорку Кенеш депутати Аида Исатбек қизи Қирғизистон республикасининг айрим қонун ҳужжатларига ўзгартишлар киритиш тўғрисидаги қонун лойиҳасини жамоатчилик муҳокамасига тақдим этди.

Унда қайд этилишича, ёзги мавсумда (1 июндан 31 августгача) соат 23:00 дан 06:00 гача, йилнинг қолган даврида — соат 22:00 дан 06:00 гача болаларнинг бўлиши тақиқланган ёки чекланган жамоат жойларида такроран аниқланган тақдирда, болаларни ҳимоя қилиш бўйича ваколатли орган ота-оналик ҳуқуқларидан маҳрум қилиниши ёки чекланиши, шунингдек, васийлик бурчини бажаришдан четлаштирилиши мумкин.

«Ушбу қоида вояга етмаганларни салбий оқибатларга олиб келадиган вазиятлардан огоҳлантирувчи ота-оналарнинг, уларнинг ўрнини босувчи шахсларнинг (васийларнинг, фарзанд асраб олувчиларнинг) вояга етмаганлар устидан тегишли назоратни таъминлаш мақсадида ўз вазифаларини бажаришдаги масъулиятини ошириш мақсадида жорий этилган», – дейилади хабарда.

Қонун лойиҳаси муаллифларининг фикрича, ушбу ташаббус «болалар ҳуқуқ ва манфаатларини ҳимоя қилиш соҳасидаги қонунчиликни такомиллаштириш мақсадида» ишлаб чиқилган.