Қирғизистон президенти Садир Жапаров вояга етмаганларга нисбатан жинсий зўравонлик учун жазони кучайтирувчи қонунни имзолади. Бу ҳақда мамлакат Президент матбуот хизмати хабар берди.

Янги қонунга кўра, жиноят содир этган пайтда 60 ёшга тўлган эркакларни ҳам умрбод озодликдан маҳрум этиш белгиланди. Қонун Қирғизистон Республикаси Жогорку Кенеши (парламент) томонидан 2024 йил 11 апрелда қабул қилинган. Боланинг жинсий дахлсизлиги ва жинсий эркинлигига қарши жиноят содир этганлар оғир касалликка чалинганидан қатъий назар жазоланади.

Шунингдек, Жиноят-процессуал кодексига боланинг жинсий дахлсизлиги ва жинсий эркинлигига қарши жиноятлар бўйича суд томонидан жазо тайинланмасдан айблов ҳукми чиқариш имкониятини истисно қилувчи ўзгартиришлар киритилган.