Қорақалпоғистон Республикасидаги электромобил заводида ёнғин чиқди. Бу ҳақда ФВВ хабар берди.

Маълум қилинишича, бугун, 24 январ куни соат 20:17 да Қорақалпоғистон Республикасининг Беруний туманидаги «Шаббаз» ОФЙ Тўрткўл шох кўчасида жойлашган электромобил автосалонида ёнғин содир бўлаётганлиги тўғрисида ФВБга хабар келиб тушган.

Шунга кўра, учта ёнғин-қутқарув экипажи соат 20:23 да воқеа жойига етиб бориб, ёнғин соат 20:48 да ўраб олинган ва соат 21:08 да ўчирилган.

Ёнғин оқибатида автосалоннинг
90 квадрат метр майдонда том қисми ва бир дона BYD русумли автомобил ёниб зарарланган.

Ҳозирда ёнғин сабаби ва моддий зарар миқдори аниқланмоқда. Ёнғин оқибатида тан жароҳати олган ва ҳалок бўлганлар тўғрисида маълумот келиб тушмаган.