Қорақалпоғистонда ЙПХ ходимига қўл кўтарган фуқаро қамоққа олингани маълум қилинди.

Хабар берилишича, 2024 йил 21 май куни Қорақалпоғистон Республикаси ИИВ ЙҲХБ 2 минтақа йўл-патруль хизмати инспектори Тўрткўл тумани Мустақиллик кўчасида ҳаракатланиб келаётган Мatiz шубҳали бўлгани сабаб тўхтатиб, ҳайдовчидан ҳужжатларини сўраган. Ҳайдовчи ЙПХ ходимини менсимасдан, уни уриб, жамиятда юриш-туриш қоидаларини қасддан бузган. Шунингдек, ҳайдовчи ўз хизмат вазифасини бажараётган ички ишлар ходимига фаол қаршилик кўрсатиб, унга тан жароҳати етказган.

Ҳолат юзасидан ҳайдовчига нисбатан Жиноят кодексининг 219-модда (Ҳокимият вакилига ёки фуқаровий бурчини бажараётган шахсга қаршилик кўрсатиш) ва 277-модда (Безорилик) билан жиноят иши қўзғатилган.