2023 йил давомида етиштирилган гўштнинг энг юқори улуши деҳқончилик ва томорқа хўжаликларига тўғри келди. Бу ҳақда Статистика агентлиги ахборот хизмати хабар берди.

Маълум бўлишича, январь-декабрь ойларида республикада 2,8 миллион тонна гўшт (тирик вазнда) етиштирилган бўлиб, ушбу кўрсаткич 2022 йилнинг мос даврига нисбатан 3,9 фоизга ошган.

Гўшт етиштиришнинг юқори ҳажмлари 2,4 миллион тонна ёки умумий етиштириш ҳажмидан 84,9 фоизи деҳқон ва томорқа хўжаликларида қайд этилган, аксинча кам ҳажм 179 минг тонна (6,3 фоиз) фермер хўжаликларида кузатилган.