14 ноябр куни ҳудудлар палатасида рус тилини сақлаш, ҳимоя қилиш ва ривожлантириш соҳасидаги давлат сиёсатига бағишланган парламент эшитувларида Россия Давлат Думаси раиси ўринбосари Пётр Толстой рус тилини билмайдиган мамлакат фуқаролари учун Россияда ишлаш имкониятини чеклаш кераклигини айтиб ўтган.

У рус тилисиз мамлакатнинг мавжудлигидан маъно йўқлигини таъкидлаган ва бугунги кунда, рус тилини ривожлантириш билан боғлиқ вазият «ҳалокатли ва бу бизнинг умумий масъулиятимиз», – дея қўшимча қилган.

Толстой давлат тили рус тили бўлмаган республикаларида рус тилини ўқитиш масаласини кўтарган. Унинг таъкидлашича, муҳожирлар рус тилини шу ерда ўрганишмоқчи, аммо улар инглиз тилидан фойдаланмоқда. Шунингдек, бу орқали улар  рус тилини ўз миллий тиллари билан сиқиб чиқаришга ҳаракат қилаётганини айтган.

Толстой Россия томони аниқ қонунчилик қарорлари билан вазиятга таъсир қилиши мумкинлигига ишонч билдирган.

«Масалан, рус тили давлат тили бўлмаган республикадан келган мамлакатлар фуқаролари жамоат жойларида ҳайдовчи, сотувчи, курер бўлиб ишламаслигини белгилаб қўйиш керак. Бундай чора-тадбирлар вазиятни аста-секин тузатади»,- деди у.

Вице-спикер Россияда кўпчилик бошқа давлат фуқароларига мактабларни очиб бериш ва барчани мамлакатга ишга таклиф қилишни маълум вазиятларда қўлланилиши керак бўлган чеклов дея ҳисоблаган.