Россияда 13 ёшли ўзбекистонлик қиз ҳамюрти томонидан зўрланди
Қизнинг ота-онаси уни болалар шифокорига олиб борганида уч ойлик ҳомиласи борлиги маълум бўлган.
«Фонтанка» нашрининг хабар беришича, Россиянинг Санкт-Петербург шаҳри Красноселский туманида 13 ёшли ўзбекистонлик қиз 23 ёшли ҳамюрти томонидан зўрланган.
Маълум бўлишича, 2023 йилнинг июл ойида шаҳарнингг Жанубий Приморский боғи яқинида 13 ёшли қизни ўзи танийдиган йигит ихтиёрига зид равишда жинсий алоқага мажбурлаган. Қиз бўлган воқеа ҳақида ҳеч кимга айтмаган. Кейинроқ унинг ҳомиладор бўлиб қолгани маълум бўлгач, ота-онаси уни шифокор кўригига олиб борган. У ерда қиз ёзда 23 ёшли йигит уни зўрлагани ҳақида айтиб берган. Қиз мазкур воқеа уларнинг уйи яқинда содир бўлганини ҳам қўшимча қилган.
Қизнинг отаси бу бўйича полицияга хабар берган. Гумонланувчи 31 октябр куни Москванинг Псковская кўчасида ушланиб, изоляцияга олинган.
Ҳолат юзасидан жиноят иши қўзғатилган.
