2023 йил 19 ва 20 октябр кунлари Самара вилояти судида ўта шафқатсиз қотилликда айбланаётган Ўзбекистоннинг икки фуқаросини ҳибсда сақлаш муддати узайтирилди. Бу ҳақда вилоят суди матбуот хизмати хабар берди.

Дастлабки маълумотларга кўра, жабрланувчи билан айбланувчилардан бири ўртасида спиртли ичимлик ичиш вақтида оғзаки жанжал келиб чиққан. Шундан сўнг айбланувчи рақибини ўлдиришга қарор қилган ва унга шериги ёрдам берган.

Шахсий адоват туфайли қўшни давлатда яшовчи фуқаро спиртли ичимлик ичган шеригини калтаклаган, сўнг буклама пичоқ билан камида 15 маротаба зарба берган.

Шунингдек, икки шерик узоқ вақт давомида жабрланувчининг оёқ ва қўлларини ёғоч ламеллар ҳамда пластмасса трубка билан урган.

Ҳуқуқ-тартибот ходимларининг сўзларига кўра, жабрланувчининг ўлимига «бошининг тўлиқ кесилиши» сабаб бўлган.

Суд айбланувчининг қамоққа олиш муддатини узайтирган ва кейинги тергов жиноят ҳолатлари тўлиқ аниқланиб, тегишли жазо тайинлангунига қадар олиб борилишини хабар қилган.