Свердловск вилояти прокуратураси матбуот хизмати хабар беришича, воқеа Екатеринбургнинг Краснолеся кўчасида содир бўлган.

1 ноябр куни соат 11:00 лар атрофида Академичискийдаги қурилиш майдончасида ўзбекистонлик 26 ёшли ишчи йигит биринчи қаватдан ертўлага тушиб кетган ва жиддий жароҳат олган.

У касалхонага бош суяги ва бўйин умртқа поғонасининг синиши ташхиси билан ётқизилган. Ҳозирда жабрланувчи комага тушиб қолган.

Екатеринбург полицияси маълумот беришича, йигит Grant Stroy компаниясида шартнома асосида ишлаган. Уй қурилиши билан Soyuz қурилиш компанияси шуғулланади. Улар айни вақтда вазиятни ўрганаётганини маълум қилган.

Мазкур ҳолат юзасидан тергов олиб борилмоқда.

Шунингдек, ҳуқуқ-тартибот орган ходимлари қирилиш майдончасида хавфсизлик ва меҳнатни муҳофаза қилиш қоидаларига риоя қилинганлигини текширишади.

Эслатиб ўтамиз, аввалроқ, Россияда ўзбекистонлик йигит пиёдани уриб юборгани хабар қилинганди.