Россиянинг Ўзбекистондаги элчихонаси фуқароликка олиш учун аризалар қабулини тўхтатди
Ариза берганлар орасида Тожикистон фуқаролари биринчи ўринда турибди.
Россиянинг Ўзбекистондаги элчихонаси фуқароликка қабул қилиш учун аризалар олишни вақтинча тўхтатди. Бу ҳақда дипломатик ваколатхонанинг матбуот хизмати хабар берди.
«Фуқаролик масалалари бўйича аризаларни қабул қилиш фуқаролик масалаларини кўриб чиқиш тартиби тўғрисидаги низом қабул қилингунга қадар тўхтатилади» дейилган хабарда.
Шунингдек, аризаларни қабул қилиш вақти яна қачондан бошланиши аниқ айтиб ўтилмаган.
Маълумот учун, 2023 йилнинг 1-чорагида 106 мингдан кўпроқ хорижий давлатларларнинг фуқаролари Россия фуқаролигини қабул қилган. Бу кўрсаткич эса ўтган йилнинг шу даврига нисбатан 35 минг кишига кам деганидир.
Ҳозирги даврда Россия фуқаролиги учун ариза берганлар орасида Тожикистон фуқаролари биринчи ўринда турибди. Ўзбекистон эса бу борада дастлабки ўнталикка кирган.
