Самарқанд вилоятининг Самарқанд шаҳрида жойлашган тарихий Регистон майдони яқинида ёнғин содир бўлди.

Майдон атрофида 1896 йилда қурилган бино ёнғинига тушдан кейин юзага келган электр симларидаги қисқа туташув сабаб бўлган.

Самарқанд шаҳрининг Регистон майдони яқинида жойлашган ушбу 127 йиллик Хўжа Зудмурод жоме масжидидаги ёнғин бинонинг эски тарихий қисмига ўтмаган. Бироқ, янги қурилган қисми олов билан қопланган. Bugun.uz’даги мавжуд маълумотларга кўра, ёнғин туфайли асосий бино ёнида тикланган намозхонанинг 190 квадрат метр қисми бутунлай ёниб кетган.

Ёнғин ҳақида ўт ўчирувчилар навбатчи қисмига бугун соат 13:00 да хабар берилган. Ўт ўчирувчилар ҳудудга соат 13:05 да етиб борган. 13:40 да эса ёнғин батамом ўчирилган. Ҳодиса оқибатида ҳеч ким жабрланмаган.