«Uzbekistan airports» хабар беришича, «Қанот Шарқ» маҳаллий авиакомпаниясининг Санкт-Петербург — Самарқанд йўналишида парвоз қилаётган HH786 рейси йўловчилардан бирининг соғлиғи ёмонлашгани сабабли Ақтўбе (Қозоғистон) халқаро аэропортидаги муқобил аэродромга қўнишга мажбур бўлди. Экипаж борт олдига тез ёрдам машинасини сўраган.

Самолёт Тошкент вақти билан соат 14:48 да Ақтўбега қўнган ва яқин вақт ичида Самарқанд аэропортига учиб кетиши режалаштирилган.

Эслатиб ўтамиз, аввалроқ Тошкент аэропортида автобус ҳайдовчиси бошқарувни йўқотиб, А320 лайнерига бориб урилган эди. Кейинчалик, автобус бориб урилган самолёт яна парвозни амалга оширишни бошлагани хабар қилинди.