Тошкент шаҳри Сергели туманидаги омборхонада 2023 йилнинг 28 сентябр куни кучли портлаш содир бўлгани ва оқибатда 17 ёшли бола ҳалок бўлгани ҳақида хабар берилганди. Bugun.uz’да мавжуд маълумотларга кўра, портлашга омборхонада сақланган кимёвий моддалар сабаб бўлган бўлиши мумкин.

Айни пайтда ҳолат юзасидан олиб борилаётган тергов жараёнида портлашнинг эҳтимолий сабаблари ичида омборхонадаги кимёвий моддаларнинг нотўғри сақлангани ҳақидаги версия асосий бўлиб турибди. Бунда кимёвий моддаларни сақлашда хавфсизлик қоидалари қўпол равишда бузилган бўлиши мумкинлиги тахмин қилинмоқда.

Бирламчи маълумотларга кўра, омборда хавфсизлик қоидаларига зид равишда сақланган кимёвий воситалар ўзаро реакцияга киришган. Бунинг оқибатида аввал ёнғин келиб чиққан, сўнг кучли портлаш содир бўлган.